Internasjonalt

Utdanningsforbundet har eit breidt internasjonalt engasjement. Gjennom den verdsomspennande lærarorganisasjonen Education International (EI) og andre internasjonale organisasjonar deltek vi aktivt i utdanningsspørsmål både i Europa og resten av verda.

Det internasjonale samarbeidet er viktig både for å styrkje dei menneskelege og faglege rettane til kollegaer i andre deler av verda og for å påverke utdanningspolitiske spørsmål i EU-systemet og andre internasjonale fora. Det internasjonale nettverket er òg ei viktig kjelde til nye impulsar, erfaringar og ny kunnskap.

Utdanningsforbundet driv også eit omfattande solidaritetsarbeid. Vi samarbeider med fagforeiningar og organisasjonar i 13 land i Afrika, Asia, Europa, Latin-Amerika og Midtausten. Menneskerettsspørsmål, retten til fri organisering, fredsarbeid, kvinnespørsmål og utdanning for alle står sentralt i dette arbeidet.